Алабуга шәһәрендә республика мөселманнары арасында волейбол ярышлары узды. Бәйгедә республиканың 7 районыннан: Алабуга, Түбән Кама, Мөслим, Сарман, Аксубай, Яңа Чишмә һәм Чирмешән командалары катнашты. Тагын бер команда - Казаннан мөселман эшмәкәрләре ассоцияциясеннән чыгыш ясады. Искәртик, ярышта Алабуга, Түбән Кама һәм Сарман районнары данын икешәр команда яклады. Шулай итеп, бәйге мәйданчыгында 11 команда көч сынашты. Әлеге спорт бәйгесен Алабуга мөхтәсибәте шәһәрнең “Батыр-фитнес” комплексы белән бергәлектә үткәрде. Уен әлеге комплексның спорт залында узды. Барлык командалар яхшы әзерлек белән килгән иде. Ярыш нәтиҗәләре буенча 1 һәм 2 урынга Алабуга командалары лаек булды. 3 урынга Аксубай командасы чыкты.
