Бүген Татарстан Мөфтие, ТР мөселманнары Диния нәзарәте рәисе Камил хәзрәт Сәмигуллин “Алма – бирмә” дип исемләнгән ришвәтчелеккә көрәш Республика форумы эшендә катнашты.
Әлеге чара 9 декабрьдә билгеләп үтелүче Халыкара ришвәтчелеккә каршы көрәш көненә багышлап үткәрелде.
Утырыш барышында катнашучылар ришвәтчелеккә каршы эшчәнлекне фәнни-методик тәэмин итү, коррупциягә каршы көрәштә цифрлы технологияләрне куллану мәсьәләләре буенча фикер алышты.
Чарада Татарстан Республикасы дәүләт хакимияте органнары җитәкчеләре, фәнни һәм иҗтимагый җәмәгатьчелек вәкилләре, югары уку йортлары ректорлары, зур предприятиеләр, дини конфессияләр, массакүләм мәгълүмат чаралары һәм студентларның коррупциягә каршы комиссияләре активистлары катнашты.
Фото: “Татар-информ” мәгълүмат агентлыгы
