Җөмәдәл-әүвәл аеның 23нче көнендә (7нче декабрьдә), актив мөселман яшьләре һәм волонтерлар “Изге эшләр көне” программасы кысаларында Казан шәһәренең Борһан Шаһиди урамында урнашкан “Приют человека” мохтаҗларын ашатырга барды. Берничә көн дәвамында яшьләр социаль челтәрләр аша мөселман кардәшләргә мөрәҗәгать итеп әзерлек эшләре алып барды, чәй өчен тәм-томнар сатып алды. Акча җыюда барлыгы 90 кеше үзеннән өлеш кертте, барлыгы 36100 сум акча “Приют человека” счетына күчерелде. Кичә төшке аш вакытында волонтерлар ризык таратуда катнашты һәм үзләре белән алып килгән том-томнарны мохтаҗларга өләште. Бер сәгать дәвамында 50дән артык мохтаҗ ризыкланды. Йорт-җирсез калган, тормыш сынауларын кичергән мохтаҗлар һәм авырулар мөселман яшьләренә битараф булмаулары өчен рәхмәтләрен җиткерделәр. Әйтергә кирәк, салкын көнне сукбайларның хәле тагын да авырлаша. Ризык табудан тыш, җылы өс һәм аяк киемнәре мәсьәләләсе дә килеп баса. Мөселман яшьләре, “Приют человека” карамагында тәрбияләнүче мохтаҗларның хәленә кереп, киләсе атнага Казанда урнашкан әлеге пунктларның алтысында җыештыру өмәләре үткәрергә ниятли. Моның өчен, яшьләр акча җыеп барлык санитар-гигиена әсбаплары, сабын, порошок, гель, чүпрәк, губкалар һ.б. сатып алачак. Әлеге чара “Чиста мәчет” акциясе кысаларында үткәрелә.
Казанның мөселман яшьләре салкын көндә 50 мохтаҗга ризык өләште
08 декабрь 2023 ел 13:01

Соңгы яңалыклар

Мөфти «Россия – Ислам дөньясы» стратегик караш төркеме җитәкчелегенең Ислам хезмәттәшлеге оешмасы дәүләтләре илчеләре белән очрашуында катнашты
21 апрель 2025 ел 18:05

Мөфти җитәкчелегендәге Диния нәзарәте делегациясе Луганскида «Гасырлар аша батырлык: Ватанны саклаучылар истәлегенә» конференциясендә катнашты
21 апрель 2025 ел 11:07

Ислам динен кабул итүгә 1000 ел исемендәге мәдрәсәдә Тукай шигырьләрен яттан сөйләү бәйгесе узды
18 апрель 2025 ел 13:55
Намаз вакытлары
Иртәнге намаз
Кояш чыга
Өйлә намазы
Икенде намазы
Ахшам намазы
Ястү намазы