Бүген Татарстанның Питрәч районында имамнар җыелышы уздырылды. Чара республика мөфтие Камил хәзрәт Сәмигуллин рәислегендә һәм Питрәч районы башлыгы Илһам Кашапов, шулай ук районның башка җитәкчеләре катнашында үтте. Камил хәзрәт имамнарны берничә ел «Тынычлык» мәчетендә имам булып хезмәт куйган Габбас хәзрәт белән таныштырды. Эшләү дәверендә ул үзен инициативалы, җаваплы һәм эшне төгәл башкаручы, көчле оештыру сәләтенә ия имам буларак күрсәтте. Җыелышта Габбас хәзрәт өч айга имам-мөхтәсиб вазыйфаларын вакытлыча башкаручы итеп билгеләнде. Район башлыгы Илһам Миңнехан улы да аның кандидатурасын хуплап чыкты һәм авыр хезмәтендә уңышлар теләде.
