Бу ялларда Диния нәзарәтенең "Экстремизмга - юк!" айлыгы кысаларында оештырылган чаралары дәвам итәчәк.
Иртәгә, 23 сентябрьдә, Казанның Арча зиратында конфессиара өмә оештырыла. Анда волонтерлар, нәзарәт һәм Казан епархиясе активистлары катнашачак. Башлана сәгать 13.00дә.
Алабугада исә иртәгә мөселман һәм православие яшьләре арасында мини-футбол буенча дуслык матчы була. Ул шәһәрнең Тынычлык проспектында урнашкан физкультура-сәламәтләндерү комплексында узачак. Уенда Алабуга мөхтәсибәте яшьләре һәм "Аксиос" православие яшьләре хәрәкәте вәкилләре катнаша. Башлана сәгать 13.00дә.
24 сентябрьдә буалылар җирле мөхтәсибәт һәм шәһәр администрациясе әзерләгән "Ислам - игелеклелек дине" исеме астында оештырылган квестта катнаша. Чараның төп максаты - мөселман яшьләрен җыю, аларга ислам диненең тыныч дин икәнлеген аңлату, аларны берләштерү. Башлана сәгать 8.00дә.
