Бүген, җөмәдәл-ахыр аеның 28нче көнендә (18нче декабрьдә), Казанда “ТР Муниципаль берәмлекләре советы” ассоциациясенең XX съезды узды. Җыелыш Татарстан Республикасы Рәисе Рөстәм Миңнеханов һәм РФ Федерация Советының Конституциячел законлылык һәм дәүләт корылышы комитеты рәисе Андрей Клишас катнашында узды. Утырышта шулай ук Татарстан Мөфтие, ТР мөселманнары Диния нәзарәте рәисе Камил хәзрәт Сәмигуллин, барлык муниципаль берәмлекләр башлыклары, депутатлар, ветераннар, махсус хәрби операциядә катнашучылар бар иде.
Җыелышны “ТР Муниципаль берәмлекләре советы” ассоциациясе рәисе Әгъзам Гобәйдуллин алып барды.
