Нәзарәттә Әл-Әзһар университеты (Мисыр) делегациясе булды

29 август 2025 ел 12:56
Нәзарәттә Әл-Әзһар университеты (Мисыр) делегациясе булды

Бүген, 29нчы августта, Татарстан мөфтиятендә Әл-Әзһар университеты (Мисыр) ректоры Салама Гомаа Али Дауд җитәкчелегендә делегация булып китте. Аны университетның вице-президенты Мәхмүд Седдик Хәсән Абделнәби, халыкара хезмәттәшлек һәм белем бирү сыйфаты идарәсе директоры Яссер Хелми Исмаил Али, Әл-Әзһар университеты һәм Россия арасында халыкара хезмәттәшлек буенча координатор Амр Басьюни Саад Эльдиб, инновацияләр һәм эшкуарлык мәсьәләләре буенча ректор киңәшчесе Мөхәммәд Галаль Фаргали Али һәм Әл-Әзһарның мәдәни һәм фәнни мәсьәләләр буенча Шәйх киңәшчесе Абдельдайем Мөхәммәд Габделрахман озата йөрде. Очрашуда катнашучылар арасында шулай ук Татарстан Республикасы Рәисе ярдәмчесе, “Россия – Ислам дөньясы” стратегик караш төркеме рәисе урынбасары Марат Гатин да бар иде.

Кунакларны Татарстан Мөфтие Камил хәзрәт Сәмигуллин каршы алды һәм аларга Нәзарәт, Галиев мәчете һәм “Мөхәммәдия” мәдрәсәсе буйлап экскурсия үткәрде.

Очрашу барышында Мөфти Камиль хәзрәт делегацияне Татарстанда ислам тарихы, татар халкының рухи мирасы, шулай ук Нәзарәтнең күпкырлы эшчәнлеге – “Хозур” нәшрият йорты, мәгърифәтчелек һәм хәйрия проектлары һ.б. белән таныштырды.

Мөфти аерым игътибарны Нәзарәтнең кулъязма Коръән проектына юнәлтте. Россия мөселманнары өчен ул зур мәгънәгә ия, чөнки хәзерге Россиядә беренче кулъязма мүсхәф булып тора.

Татарстанга сәфәре кысаларында Әл-Әзһар университеты делегациясе шулай ук Болгар ислам академиясендә булды.

Очрашу истәлеге итеп Камил хәзрәт кунакларга репринт “Казан басмасы”н бүләк итте.

Сурәт - 1
Сурәт - 2
Сурәт - 3
Сурәт - 4
Сурәт - 5
Сурәт - 6
Сурәт - 7
Сурәт - 8
Сурәт - 9
Сурәт - 10
Сурәт - 11
Сурәт - 12
Сурәт - 13
Сурәт - 14
Сурәт - 15
Сурәт - 16
Дин әһеле
1992 -1998 елларда
Дин әһеле
1998 - 2011 елларда
Дин әһеле
2011 – 2013 елларда
Дин әһеле
2013 елның 17 апрелендә сайланды

Намаз вакытлары

Иртәнге намаз
Кояш чыга
Өйлә намазы
Икенде намазы
Ахшам намазы
Ястү намазы
Яңалыклар архивы