Бүген, җөмәдәл-әүвәл аеның 23-нче көнендә (27нче декабрьдә), Татарстан мөфтие Камил хәзрәт Сәмигуллин Нәзарәттә "Россия - Ислам дөньясы" стратегик диалог һәм партнерлык фондының башкарма директоры, сәясәт фәннәре докторы Эльмира Садыйкова белән очрашты. Мөфтияттә очрашу барышында җитәкчеләр стратегик караш төркеме эшчәнлегенә нәтиҗәләр ясадылар, уртак проектлар хакында сүз алып бардылар, 2022 елда тормышка ашыру ниятләнгән планнарны уртага салып сөйләштеләр. Сөйләшүдә шулай ук мөфтинең мәгълүмати сәясәт буенча урынбасары, "Хозур" нәшрият йорты җитәкчесе Ришат Хәмидуллин катнашты.
