9 ноябрьдә Норлат мөхтәсибәте башлангычы белән Әхмәдзәки хәзрәт Сафиуллин исемендәге мөселман мәгариф үзәге бинасында Covid-19га каршы прививка ясау бүлмәсе ачылды. Район үзәк хастаханәсе табибы һәм шәфкать туташы биредә барлык теләүчеләрне өчен атна саен сишәмбе һәм пәнҗешәмбе көннәрендә 09.00-12.00 сәгатьләрдә кабул итә. Мөхтәсибәт вәкилләре, Норлат халкын чакырып, социаль челтәрләр аша хәбәр бирде. Дин кардәшләребез өчен биредә барлык уңайлыклар тудырылган: иркен көтеп тору бүлмәсе, машина кую урыны бар. Прививка ясату шәригать таләпләрен үтәп башкарыла. Бүгенге көнгә Мөселман мәгариф үзәгенә килеп 51 кеше прививка ясатырга өлгерде.
