Instagram челтәрендә туры эфирда “Фәнис” мәдрәсәсенең кабул итү кампаниясе турында сөйлиячәкләр

Иртәгә, Зөлкагъдә аеның 12-нче көнендә (3 июльдә) Диния нәзарәтенең Мәгариф һәм фән бүлеге үзенең рәсми Инстаграм челтәре аккаунтында (@Islamic_education_rt) Ютазы мөхтәсибәтенең “Фәнис” мәдрәсәсендә кабул итү кампаниясе турында турыдан-туры эфир уздырачак. Сүз “Фәнис” мәдрәсәсенең җитәкчесе, Ютазы районының имам-мөхтәсибе Марат хәзрәт Мәрдәншингә биреләчәк.
Әңгәмә барышында тыңлаучыларга 2020 елның кабул итү кампаниясенең үзенчәлекләре, мәдрәсәгә керү һәм уку шартлары, шәкертләр тормышы һәм укуны тәмамлагач эшкә урнашу турында сөйләнәчәк.
Искә төшереп узыйк, Татарстандагы мөселман уку йортларының җитәкчеләре белән әңгәмәләрнең видеоязмалары @Islamic_education_rt аккаунтында саклана, һәр теләгән кеше үзенә җайлы вакытта алар белән таныша ала.