Бүген Мамадышта Sanny-fest дип исемләнгән 4нче Халыкара иҗади чаналар фестивале узды. Чарада Россиянең һәм дөньяның төрле почмакларыннан 39 команда катнашты. Алар арасында Түбән Каманың Җәмигъ мәчете командасы да бар иде. Ул фестивальне оештыручыларына хәрби очкыч рәвешендәге чана тәкъдим итте һәм аны Бөек Җиңүнең 75-еллыгына багышлады. Оештыручылар аны һәм Нәзарәтнең Түбән Кама мөхтәсибәтен абсолют җиңүче дип бәяләде һәм Гран-при тапшырды.
