Мөфтияттә мәчетләрне төзекләндерү турында фикер алыштылар

Бүген ТР мөселманнары Диния нәзарәтендә Татарстан мөфтие Камил хәзрәт Сәмигуллин ТР Мәдәни мирас объектларын саклау комитеты рәисе Иван Гущин белән очрашты. Җитәкчеләр Татарстандагы борынгы мәчетләрне төзекләндерү мәсьәләсен карады һәм бу өлкәдә хезмәттәшлек итү юллары турында фикер алышты. Республика мөселманнары башлыгы ведомство рәисенә дини мирас архитектура объектларын төзекләндерүне гамәлгә ашыруда мөфтиятнең оештыру ягыннан һәрьяклап ярдәм күрсәтергә әзер булуын әйтте.