Мөфтият вәкилләре армия сафларына 371 Татарстан егетен озатты

Кичә "Патриот" яшьләрне спорт-патриот әзерләү буенча Республика үзәгендә призывникларны Россия Федерациясенең Кораллы Көчләренә тантаналы рәвештә озату чарасы булып узды. Татарстан Диния Нәзарәтенең дәгъват бүлеге баш белгече  Тимергали хәзрәт Юлдашев әлеге чарада катнашып, коры җир армиясенә һәм сугышчан диңгез гаскәрләренә баручы егетләргә нәсихәт сүзләре белән мөрәҗәгать итте. Призывниклар белән очрашуда ул рухи әңгәмә үткәрде, ватанпәрвәрлек, Туган як, гаилә һәм җәмгыять алдындагы бурычлар турында сөйләде. Ул яшь солдатларга хәрби хезмәттә уңышлар һәм исән-сау әйләнеп кайтуларын теләде.