Яшьләр әхлак турында сөйләшүгә җыела

Мөселман бәхәс клубы үз эшен дәвам итә. Бүген Казан шәһәренең Галиев мәчетендә чираттагы очрашу үткәрелә. Әңгәмә темасы – “Эчке һәм тышкы әхлак”. Сөйләшүдә катнашучы яшьләр “Нәрсә ул әхлак? Бу төшенчәне безгә кадәр яшәгәннәр ничек аңлаганнар?”, “Эчке һәм тышкы әхлак, кайсысына өстенлек бирергә һәм алар арасында тигезлекне саклап буламы?” кебек сорауларга җавап эзләячәк. Моннан тыш, остаз Зәкәрия хәзрәт Тимгановтан үзеңдә әхлакый сыйфатлар тәрбияләү һәм аларны үстерү буенча да бик күп мәгълүмат алырга мөмкин булачак. Дискуссион клуб утырышы 18.00 сәгатьтә башлана. Адрес: Казан шәһәре, Габдулла Тукай урамы, 40.