Шушы көннәрдә Татарстан мөселманнары Диния нәзарәтенең рәсми делегациясе мөфти Камил хәзрәт Сәмигуллин җитәкчелегендә - Согуд Гарәбстаны Корольлегендә сәфәрдә. Монда мөфти Камил хәзрәт Сәмигуллин, Татарстанның баш казые Җәлил хәзрәт Фазлыев, мөфти урынбасарлары Мансур хәзрәт Җәләлетдинов һәм Илфар хәзрәт Хәсәнов, Мөселман яшьләре берлеге президенты Алан хәзрәт Панарин һәм Татарстан мөселманнары Диния нәзарәтенең башка вәкилләре, шулай ук Казахстан, Кыргызстан, Азәрбайҗан, Таҗикстан, Үзбәкстан һәм Белоруcсиядән кунаклар Король Сәлман ибн Габдел-Газиз Әл Сауд чакыруы буенча Гомрә кылалар. Татарстан делегациясенең Пәйгамбәр салләллаһу галәйһи вә сәлләм һәм Әл-Хәрәм мәчете имамнары белән очрашулары билгеләнгән, аерым игътибарга лаеклы һәм билгеле урыннарда – Шүхәдә Үһүд кабере, Куба мәчете, Коръән-Кәримне бастыру буенча Король Фәхед исемендәге комплекс, ике изге урын архитектура музее күргәзмәсе, Король Габдел-Газиз исемендәге Кәгъбәтуллаһ япмасын әзерләү комплексы, “Әл-Кур” паркында булу планлаштырыла.
