Түбән Кама мөселманнары зур шәһәркүләм спорт бәйрәмендә катнашты. «Нижнекамскнефтехим полумарафон | TATAR.RUN» дип исемләнгән әлеге чара республиканың атаклы предприятиесе юбилеена багышланган иде. Хатын-кызлар һәм ир-егетләр, физик мөмкинлекләре чикләнгән кешеләр, спортчылар һәм спорт белән мавыгучылар - Түбән Кама мөселманнары узышларның барлык дистанцияләрендә дә катнашты. Җан атучыларның аерым игътибарын Рөстәм Сәетов җәлеп итте. Күзе күрмәсә дә, шәһәрнең җәмгыять һәм спорт тормышында актив кайнаган бу мөселман махсус "Батырлар дистанциясендә" йөгерә. Рөстәм һәм команданың башка әгъзлары бер-берсенең инвалид креслоларына тотынып финишка җитә. Масса-күләм йөгерешләрдә 1967 метрлы символик дистанциядә шулай ук мөселманнар катнашты, алар арасында спорт мастеры Илдус Гыйниятуллин да бар иде. Мөселман хатын-кызлары 3 км һәм 10 км дистанцияләрендә йөгерә.
