Бүген Мәрҗани мәчетенең балалар үзәгендә чыгарылыш кичәсе булып узды.
Быел әлеге үзәкне тәмамлап, 9 бала беренче класска барачак. Кичә барышында балалар үзләренең белемнәрен, осталыкларын күрсәттеләр, Коръән укыдылар, нәшидләр башкардылар. Үгет-нәсыйхәт сүзләре белән катнашучылар һәм әти-әниләр алдында Мәрҗани мәчете имамы Ансар хәзрәт Мифтяхов чыгыш ясады. Ул балаларга мәктәптә укуда уңышлар теләде, истәлек бүләкләре тапшырды. Балалар бәйрәмендә шулай ук фокусчы бар иде.
Чараның иң күңелле мизгелләре - фоторепортажда.
