Кичә Чаллының “Туфан” мәчетендә өлкәннәр декадасы уңаеннан мәчет картларын һәм абыстайларын хөрмәтләү мәҗлесе оештырылды. Анда 46 кеше катнашты. Мәчет имам-хатыйбы, Чаллы мөхтәсибәтенең Аксакаллар шурасы рәисе Равил хәзрәт Нуруллин мәҗлес барышында мәчет эшләрендә, динебезне куәтләүдә актив катнашучыларга олы рәхмәтләрен җиткерде, җылы сүзләр әйтте, бүләкләрне тапшырды.
